Charta qua Odulgerius et uxor ejus Osanna dant monasterio Cluniacensi curtilum in villa Osiaco.
Latores legum sancxerunt, qui de proprio jure aliquid tradere voluerit, coram plurimis testibus per scripturarum seriem inconvulsa maneat omni tempore. Igitur ego, in Dei nomine, Adulgerius et uxor mea Osanna, reminiscimus enormitatem nostrorum peccaminum, donamus Deo et sanctorum apostolorum ejus Petro et Paulo et ad locum Cluniacum et monachis ibidem militantibus aliquid de hereditate nos
tra, pro remedio animabus nostris, hoc est curtilum unum, in tali tenore, ut quamdiu vivimus teneamus et possideamus: reddentes censum, hoc est quinque sextarios de vinum de ipso curtilo in vestituram. Est autem situs ipse curtilus in comitatu Matiscensi, in villa Osiaco, in agro Griviliaco. Facimus autem hanc donationem in tali conventu, ut post mortem nostram sepeliant nos sepedicti monachi. Terminat autem ipse curtilus a mane via publica, a medio die de ipsa hereditate, a sero terra Constantii, a certio terra Adalart. Si quis vero hoc donum calumniaverit, veniant super eum omnes maledictiones quas continet vetus novumque Testamentum. Cogente etiam judiciaria potestate, auri libras III componat; et hoc donum deinceps firmum et stabile omni tempore maneat. S. Odulgerii et uxoris ejus Osanne. S. Aymo et S. uxoris sue Odile. S. Humberti. S. Mainbodi. S. Joanni. S. Durant. S. Rotberti sacerdotis. S. Tetbaldi. S. Rainordi. S. alii Duranni. S. Bernardi. Regnante Rotberto rege. Ramnulfus, monachus et sacerdos, scripsit rogatus.
(Au dos:) Carta Odulgerii. - Odulgerius Griviliaco.